تدرون حسنى ام لبن صارت سياسية

عدنه شلون دوله وبيها حرية..!

حسنة ام اللبن صارت سياسية

----------

حسنة شلون لعبت بالخلگ طوبة

راحت للسياسة وعافت الروبة

الفضائيات كلها عليها مگلوبه

وامريكة ياربي بيها مسبيّة

حسنة ام اللبن صارت سياسية

حسنة لفلفت كلشي بعبايتها

وسبعتالاف من تمشي حمايتها

بسوگ العورة متشكلة وزارتها

وحكومتها حكومة محو اميه

حسنة ام اللبن صارت سياسية

طلابتنا چبيره وحسنة حبابة

وبوش يگول هي تحل الطلابة

حسنة للحكم صعدت بدبابة

وگامت ترسملنه خطط امنية

حسنة ام اللبن صارت سياسية

ياناس على حسنة بعد مانعتب

لان مگرودة لا تقره ولا تكتب

ملتهية تفرهد بينه وتسلّب

وحصتها بنفطنه ألف بالميّه

حسنة ام اللبن صارت سياسية

ماندري ويه حسنة شلون تاليها

ياناس وتعبنة من بلاويها

لان دولتها حاميها حراميها

حظنه الوگعانه بحلگ واوية

حسنة ام اللبن صارت سياسية

گالوا حسنه راح تعالج الاحباط

وتذب شيلة فگرها وترد تلبس قاط

وتأسس حكومة كلها تكنوقراط

وتعالج بناء البنى التحتية

حسنة ام اللبن صارت سياسية

لبست قاطها وتسودنة حسنة

وردّت تزمخ علينه وتفارسنه

درجعلي للبن مو خرب واهسنه

عساها بخت من سواچ حزبية

ههههههههههههههههههااااااي

عاشت ايدك خيو ع التحشيشه

تحياتي

فدوة اروح الجمل اختانرتي ياععمري
تحياتي

كلش جميل عاشت ايدك يسلمو
كلماتك بسيطة ...لكن معبرة تقبل مروري اخي

ههههههههههههههه

يسلمووووووووووووووو