صحيح أگبالك أضحك من احاچيك

صحيح أگبالك أضحك من احاچيك
بس چادر قهر بالروح منصوب
ولو أيوب يدري بصبري وياك
مايوم أصبرت چا گلي أيــوب
كلما ردت أعدلك أعوج الگاك
ومثل شعرك اشوفك ضدي مگلوب
أگلك توب بسك جوز العناد
ترجع مثل الأول وأبد متوب
اطب من باب اجيلك ترگع الباب
ادگ البوب تركض تقفل البوب
تگلهم ما أحبة وشكله مكروه
وماتنحب وأگلهم والله محبوب
أعذيبي اشتم هواك وآني مخنوگ
خنگة الأمهة ماتت وكت الغروب
بيك أعيوب لكن من احاچيك
انساهن وأطلع بيه العيوب
من گلبك أشوفك تمسح أسمي
وأچذب عيني اگلهة شبيج مكتوب
بدرب يومية أطبلك حتى الاگيك
لحد ماخلصت وياك الدروب
تمطر ملح ايدك فوگ الجروح
ولأن ابيض اشوفة اعتبرة حالوب
يا أسلوب اجيبة؟ حتى اراضيك
تطلع شيبة بيضة براس الأسلوب
أضم بجيبي كلمة آني اهواك
تجيك وچف اديهة يشگ الجيوب
مثل منصلب عيسى ومريم تنوح
لحد هسةأعلى ملحك جرحي مصلوب
روح وماگلك بس كلمتين
مثل مالبت منك ريتك أتلوب

شكراااااااع الموضوع الرائع
تحياتي

عاشق الحب

تشرفت بمرورك الرائع

شكرا على الشعر

دومك مبدعه

تحياتي

ĶặŘặŖ ǺĻЯỮβąĩễ كتب:: شكرا على الشعر

دومك مبدعه

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

» صحيح الوصف
» عمل عظيم في شهر(محرم)يغفل عنه الكثير(حديث صحيح)
» رامي إمام : خبر القبض على السائق الخاص بوالدي عادل إمام غير صحيح!!