يل ترحل بلاسبب
تنطيني بلكت عذر
يسليني وكت السهر لمن تهل دمعتي
ودليني درب الذي
خلي الشماته تجي
خليني اكلهم متت بيدي انبشت حفرتي
ماباقي مني جسد
والروح انت اذا
رايد تروح ابتعد لاتهتم بجثتي
وشباقي حته انتظر
عرست بس بشرط
عزريل لازم يجي يحضر حفل زفتي
بصحرائي عايش قحط
ماعندي كطرة مطر
من كالو انت شمس رحت اسحبت غيمتي
بس بيهه وحدك تظل
متروح منهه جذب
كلما اكولن رحت تطلع وسط صفنتي
انساك اكول شكثر
كد ماكلت تنسي
وانه ادري ماتنسي بس بيش احز وحدتي
وماجيب طاري الجرح
والوجن اسمر لأن
ماكولن من الدمع وحمات الي بوجنتي
ما كان رب الذي
بالبيت دفا ً نقر
سيد معمم صرت وعمامتك دفتي
لاتحجي مبدأ شرف
مبدأك انه جنت
هسه انتهه مبدأك من انتهت دنيتي
صبير البشفتك
شميته مابي عطر
بس ردت اوافي وألك رحت اكطعت وردتي
يمك رسمت الفرح
لونته لون السمه
لاجن رماد البقه حاط بحزن لوحتي
حجيك احسه بطعن
بلسان عزة نفس
كد ماحجيت انتظر ترد الي عزتي
سديت بابك رحت
باب الكرامه انفتح
من تدك دك بحذر قد تختلف دكتي
المارضيته الك
لتظن اريده ألي
الما اجاني بشرف مادز عليه ذلتي
انساني كلشي انتهه
خليني اعيش بغرب
ماريد اشوفك وطن حنيه اله بغربتي
..
.
.
.
.
هذا انا
اينما اكون
.
مــــــــــــطر
رسالة sms
