صدك رايح حبيبي بلايه توديع

صدك رايح حبيبي بلايه توديع
وقرارك هذا صار بغير رجعه
يمن صدرك حنين وكلبي مفطوم
... من يبجي عليك شلون أقنعه
وأجيب منين شمعه تسامر الروح
وأنت بليل المحبين شمعه
وياقطعه الأحطنها بمجانك
واني الحاسبك من عندي قطعه
علمني الصبر لو رايد تروح
أنا بلياك وجعه تعين وجعه
بعدك ماجفيت وبان بسمار
وبسمارك عزيز وعيب أشلعه
ألمن سلمت كلبي اليهم بيك
ومن يشكي الهضم ياهو اليسمعه
حرت وين أطي وجهي وكلها عذال
ويا درب اليوديني وأتبعه
والله الوجعه ماتاذي اليعذلون
لراعيها تظل توجع الوجعه
كتلني كاس هجرك لا تلح بيه
شربني عله كيفك جرعه جرعه
أنا بلا روح بس الجسم ضليت
نص ميت ونص باجر أشيعه
رايد شوفتك وأحلم بملكاك
يبوطول الحلو وعيون وسعه
وأشوفك بيش أشوف منيلي عيون
ياعين التصد وبنصها دمعه
شتلت حبك شتل مابين الضلوع
بس ماحسبت بيدك تكطعه
وك والله ماحسيت بيدك تكطعه

شكرااااااا
بارك الله بيج
دوم هالابداع يارب
تحياتي

يسلمو جنة المبدعة
الف تحية الج
دمتي كما تحبين
تقبلي مروري

عاشق الحب كتب:: شكرااااااا
بارك الله بيج
دوم هالابداع يارب
تحياتي

نورت بمرورك الجميل

[ندعوك للتسجيل في المنتدى أو التعريف بنفسك لمعاينة هذه الصورة]

» حصريا الفنان مصطفى ادم ( ابقى بلايه حب ) نسخة اصلية ماستر بدون حقوق
» حبيبي ملاك
» متغير حبيبي
» يبو عيون المس
» اااااااااااا حبيبي