مستغرب احبك لو جديد اشتاگ؟
اذا خنت العهد ونسيتني بلحظات
انا اللحظات كلها اتغني بحروفك
مستغرب احبك لو جديد اشتاگ؟
...تمنعني وعلية انجرت أسيوفك ؟
تنكرني ولك ميهمني اي نكران
نهر اني بمحبتك تنكر أجروفك
مو نزوة بحياتك اني يا بذات
حتى اتبيعني وتمنعني ما أشوفك
اقبل لو تصير ابروحي هم ونوح
واشيل الحمل منك واصبح اچتوفك
اذا تبچي ردت انطيك عيني افداك
لو عيني انعمت كملت معروفك
ما اقبل اعوفك گلي ليش انساك
مو حتى من انام اتلاگه بطيوفك
خايف مني واني الصرت لاجلك بيت
بعد ما عمري سافر بينت خوفك
بس كلمة اگلك وحدة حتى اتروح
وراح اچذب عليّه واقدر ظروف
تره انت اخدعتني وچذبت علشوگ
بس دولاب دنية وباچر اتلوفك
رسالة sms
