~: مآ تستآهل آبجيلك حرآمآت ولآتآخذ بعد من عيني دمعة :~:

ماتستاهل ابجيلك حرامات
ولاتاخذ بعد من عيني دمعه

چنت ازرع ورد بس هسه مجبور
حته الباقي منهن راح أشلعه

أيس مابقتلك يمي اسرار
وحته اليدگ باب الروح ادفعه

بقى يمي الشمع بس ذوبه الليل
وانه متاني الصبح يطلع واشيعه

عرفتك ثوب بس ماتستر العيب
المايرهم علي مجبور انزعه

چنت اخجل واعبرلک حجی هوای
واعرف بي چذب بس كلت اسمعه

وهسه أتكطعت وياك الدروب
وبقه درب الخجل بلساني اكطعه

كرهتك كثر ماودعت الشموع
شمعه بعيني تحله وتطفه شمعه

جنت كبر الجرح شايل معاناة
وصدك جان الكلب من ينعه ينعه

جن داخل حسن لو طلعت الاخ
وتطلع روحي الك وتردهه فدعه

حسبّتك رقم من لمعة البيك
وين ادري الصفر هم ينطي لمعه؟؟

وين ادري الغصن بيه يركض الموت
وعلى عش المحنه يودي الافعه

باجر راح ادفن كل الجروح
ونعش الذكريات براسي اشيعه

وباجر راح اهدّم بيت الدموع
وابني من الفرح بعيوني قلعه

وتذبل شفتك وترد الي زحوف
وانه بجفي النهر وبكيفي اكطعه

وأكلك كلشي مات اللهفه والشوك
محال اليندفن تكدر ترجعه؟

وسود تصير كلهه ايامك البيض
وينذل خاطرك ويعض اصبعه

مثل ماجرعتني بكاسك الموت
كاس الذل شرط باجر ترجعه

والله ما اعرف شكول
كلمات ولا اروع
دائما مبدعه بطرحك المميز
تحياتي

عاشق الحب كتب:: والله ما اعرف شكول
كلمات ولا اروع
دائما مبدعه بطرحك المميز
تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

يسلمو جنة الف تحية الج
كلام روع عاشت ليادي

تقبلي مروري

بحر العشاق كتب:: يسلمو جنة الف تحية الج
كلام روع عاشت ليادي

تقبلي مروري

[ندعوك للتسجيل في المنتدى أو التعريف بنفسك لمعاينة هذه الصورة]

» من صاحب اغلى دمعة في حياتك؟
» لا تبكي يا عيني علي شئ قد مضى
» ألا ليت عيني قد رأت من رآكم...
» بكت عينك بكت عيني
» يم عيني لاتقترب